ايه القصة؟.. محمود سعد: كل العيلة كانت بتعاملني كويس إلا أبويا

تحدث الإعلامي محمود سعد، عن حياته الشخصية، وذلك في عيد ميلاده الـ 70، الذي قام بالاحتفال به أمس، حيث أوضح أن والدته حاولت في البداية إجهاضه، ولكن هذه المحاولة فشلت، كما قال أن كل أسرته كانوا يعاملونه بشكل جيد جدا بإستثناء والده.

وقال محمود سعد في فيديو له، عبر قناته الرسمية بموقع الفيديوهات العالمي يوتيوب: أمي عملت المستحيل عشان تسقطني، ودايمًا كانت تقول الواد ده نازل ضعيف عشان كدة دايمًا تعبان، كان ليا أخين قبلي ثم بنت، وأبويا كان عايز يشوف نفسه، أمي قالت له أنا حامل، ووقتها مكنش في مستشفى تروح تتخلص من الجنين، وناس قالولها نطي من على السرير، عشان تتخلص مني، لكن أبدًا تتخلص من مين أنا فضلت ماسك في الدنيا.

وتابع: الحقيقة كان غير مرغوب فيا، كل العيلة كانوا كويسين جدًا معايا وبيدلعوني باستثناء أبويا، في يوم ميلادي كانت جدتي أول واحدة تتصل بيا، أهم مكالمة تحصل في عيد ميلادي، كانت بتكلمني الصبح بدري قبل ما أروح المدرسة ربنا يرحمها.

علي الحجار يحل ضيفًا على الإعلامي محمود سعد ;