النيابة بتحقق مع المشتبه بعلاقتهم بوفاة نيرة .. “وفقا لبيان رسمي”

ووزارة الداخلية وقفت والد زميلتها اللي كان في كلام عن علاقتها بجريمة الابتزاز لحين انتهاء التحقيقات لضمان حيادها.

الكلام ده ماحصلش علشان ضغط السوشيال ميديا زي ما بتقول اللجان اللي خدت الموضوع في سكة “شوفوا بنت الظابط بتعمل ايه في الناس؟”

لكن لإن ده اللي بيحصل مع كل القضية المجتمع بيهتم بيها، مؤسسات الدولة بتتحرك فورا احتراما للمجتمع وأداء لدورها، فدي مش أول مرة..

لو عايزين نتكلم عن الظباط في الترندات دي، فضروري نتكلم عن دورهم في جلب حقوق المجني عليهم، لإن ماحدش بينفذ قرارات النيابة غير الظباط بحكم القانون وشغلهم..

ممكن ظابط أو حد من قرايبه يتورطوا في جريمة، زي ما في ناس بوظايف تانية بيتورطوا في جرايم، ده ممكن يحصل، لكن اللي أكيد انه بيحصل كل يوم في جرايم معروفة وغير معروفة إن اللي بيحمي وبيصون حقوق الناس هما الظباط والقضاة، اللي طول الوقت مستهدفين من الإخوان ولجانهم، لإنهم -بحكم الواجب الوطني- كانوا في الصفوف الأولى لنسف مشروع التنظيم الإجرامي..

وكقاعدة عامة: كل ترند بيتاخد في سكة الظباط vs الشعب، هو ترند مركوب إخوانيا، قولا واحدا حاسما واضحا كوضوح شمس أغسطس..

ربنا يرحمك يا نيرة ويظهر الحق ويهدي اللي تاجروا بدمك علشان يخدموا أيدولوجياتهم الواطية