بعد طلاقها من أحمد فهمي.. هنا الزاهد: إحنا أصحاب والحياة بتمشي
كشفت الفنانة الشابة هنا الزاهد عن تفاصيل علاقتها بالفنان أحمد فهمي، بعد الانفصال، مشيرةً إلى أن انفصالهما تم في هدوء نظرًا لوجود عشرة بينهما لمدة خمس سنوات.
هنا الزاه وأحمد فهمي
وقالت هنا في تصريحات إذاعية لهت: مش لازم كل اتنين يبقوا مع بعض ويبقى فيه مشاكل، فيه ناس مش بيتوافقوا مع بعض وبيبقى في منتهى الشياكة والاحترام وكنا أصحاب في الأول وفيه بينا عشرة 5 سنين وهو شخص محترم جدًا، ومفيش أي ضغينة.
وتابعت: ومش شايله هم أشوفه وشوفنا بعض في جوي اوردز وسلمنا على بعض وهو دلوقتي صديق وزميل في المهنة وده عشرة كبيرة، وأي حد بيجيب سيرة أي حد تبعه أو هو بحط إيدي في عينه.
وأضافت: الحياة مش بتقف، فيه حاجات بتضطري فيها تقولي لا خلاص النصيب لحد هنا، وده مش معناه إني وحشة أو هو وحش والحياة بتكمل، في الأول الحاجة صعبة جدًا عشان فيه عشرة والحياة مكملة ولازم تقفي والحمد لله أنا تمام وهو مبسوط جدًا وإحنا أصحاب.
وتابعت هنا الزاهد: فيه ناس بتبقى متضايقة، والحياة قصيرة جدًا لازم تشوفي حياتك، ولو عايزة أي حاجة هكلمه ولو هو عايز أي حاجة هيكلمني وإحنا أصحاب في الآخر.
