بعد نجاح فيلم الحريفة.. كزبرة: خطوة كبيرة في نجاحي وتحقيق حلمي
عبر مطرب المهرجانات الشعبي كزبرة عن شدة سعادته بالمشاركة في فيلم الحريفة والذي يشارك في بطولته عدد من نجوم الفن الشباب الأخرون أبرزهم نور النبوي، مشيراً إلى أنها خطوة هامة في تحقيق حلمه .
وكتب كزبرة منشور عبر حسابه الشخصي بموقع التواصل الاجتماعي فيسبوك، قال فيه: أحمد حمدي حتة بيمسي علي اخواته الحريفة، كنت عايز اقولكم اني بجد كسبت اخوات بجد وربنا يخليكوا ليا ومبسوط اوي ان كنت جزء من العمل معاكم واتعلمت منكوا حاجات كتير وعمري بجد مهنساكوا عشان انتوا احلي حاجة حصلتلي في حياتي وبشكر ربنا علي ان خطوة نجاحي وتحقيق حلمي كانت معاكم يا أشطر رجالة في الدنيا.
وأضاف: شكرا لاستاذ طارق الجنايني علي وقفتك جنبي بجد انت اخويا الكبير واستاذي وأبويا ويشكر استاذ روؤف السيد سفاح المخرجين علي كل اللي عملته معايا علي الشخصية والمساحة اللي كنت سيبهالي عشان اطلع اللي عندي وشكرا لأستاذ اياد صالح علي السيناريو الجامد وعلي دور حتة ياحلي قلم حامي وشكرا لفريدة فؤاد اجمد استايلست في مصر بجد على اللبس الفاجر.
وأردف كزبرة: بشكر احلي بندق اخويا الكبير علي نصايحك وشكر لاحلي مدير تصوير ميخا العالمي وشكرا لأحلي يارا العشري ملكة الماركتنج وشكرا لكل الناس انا مش عايز انسي حد بس والله ربنا يخليكوا ليا وشكرا لاخويا وحبيبي نجم الشباك الاول نور النبوي.
أبطال فيلم الحريفة
يشارك في بطولة فيلم الحريفة عدد كبير من نجوم الفن أبرزهم نور النبوي، أحمد غزي، نور إيهاب وأحمد حسام ميدو وكزبرة وخالد الذهبي وبيومي فؤاد، والفيلم من تأليف إياد صالح وإخراج رؤوف عبد السيد.
