إلهام شاهين تثير الجدل: بصوم مع المسيحيين
حرصت الفنانة إلهام شاهين على تهنئة الأقباط بمناسبة عيد الميلاد المجيد، مشيرةإلى أنها تحب حضور القداس وتصوم مع المسيحيين .
وقالت إلهام شاهين في مداخلة هاتفية ببرنامج “حديث القاهرة” عبر شاشة قناة “القاهرة والناس”: “أنا مؤمنة بكل الرسل وكل الأديان وبحترمهم جدا وبحب أحضر معاهم قداس العيد في الكنيسة وأوقات أصوم معاهم وأوقات يصوموا معايا في رمضان إحنا علاقتنا كده علاقة أخوة حقيقة”.
وأضافت: “أنا مرتبطة جدا بالعذراء مريم وبحبها من كل قلبي وأكتر سورة بحب اقراها دايما وأرددها من القرآن هي سورة مريم”.
وتابعت إلهام شاهين: “ميلاد المسيح مناسبة عظيمة بحب أهني كل إخواتي وأصدقائي من المسيحيين في كل مكان في العالم”.
إلهام شاهين تكشف سبب خسارتها للوزن
كما كشفت عن سر خسارتها للوزن، حيث قالت: “الحقيقة البداية الدكتور طلب مني أني أخس كان عندي مشكلة في الركبة ولما بلبس كعب عالي جسمي تقيل على ركبتي، الدكتور قالي لازم نخف الحمل على الركبة، الحكاية بدأت معايا بألم مضطرة أخس عشان الألم دا يروح”.
وأردفت: “أنا لقيت الشكل أجمل كتير والناس بتشوفني بتقولي برافو عليكي واستمري، كان ريجيم قاسي وكان بيساعدني الأدوية اللي بتسد النفس وتقريبا مكنتش باكل خالص بس دا مش صح لازم الواحد يخس في وقت أطول غير لما يخس بسرعة بتعب”.
