بعد تصريحات العسيلي.. حسن شاكوش: لما الشعبي ينتهي امال مين هيرقص الناس
حرص مطرب المهرجانات الشعبي حسن شاكوش على الرد على تصريحات محمود العسيلي الأخيرة، والتي هاجم من خلالها مطرب مهرجانات شهير متصدر قائمة الأعلى استماعا في الوطن العربي .
حسن شاكوش يهاجم محمود العسيلي
قال حسن شاكوش خلال لايف شاركه عبر حسابه الشخصي بموقع تبادل الصور والفيديوهات القصيرة انستجرام، موجهاً حديثه لـ محمود العسيلي: يعني أنت عرفت اسم عصام صاصا ومش عارف أغانيه، مينفعش يكون عصام صاصا تريند وأطلع أقول معرفش بيغني إيه، أنا مش حافظ أغاني لـ محمود العسيلي ولا أعرفها لكن مينفعش نبقى في وش بعض نتكلم بأسلوب، وفي الضهر نتكلم بشكل تاني وبطريقة تانية، أنا مبحبش البني آدم اللى كده.
تابع: إحنا الحمدلله والشكر لله مسمعين وموجودين في الوطن العربي.
حسن شاكوش لـ العسيلي: لما الشعبي والراب ينتهي امال مين هيرقص الناس
وأضاف حسن شاكوش موجهاً كلامه لـ محمود العسيلي: بتقول الراب كمان هينتهي، طب لما الشعبي والراب هينام مين هيبقى موجود؟ أمال مين هيرقص الناس، إحنا لازم نحترم بعضينا ونقدر بعضينا ونخاف على مشاعر بعض، واللي هيحترمنا هنشيله فوق دماغنا، واللى مش هيتحترمنا مش هنحترمه، مينفعش يطلع من بوقي لفظ يضايق أي حد وأنا بيسمعني عائلات وأطفال.
